2014年6月23日 星期一

後感:Music Start!~ Lovelive!Only Event in HK


昨天的時間,我就去了位於柴灣舉行的「Music Start!~ Lovelive!Only Event in HK」,志在參與一下而已。雖然在氣氛上是可以的,不過在安排上就做得不夠完善,可以看得出搞手的經驗很淺。另外,有一點在當中發生的事,實在是不吐不快,稍後再說。

注:部分攤位的相片拍攝時已得到該同人團體的准許。

主辦單位的三張等身大海報。
 我就大約十點八左右在家中出發,大約一小時左右就到柴灣。本身自己有預購了票,大約等了大約半小時左右就成功入場。首先,指示是不清晰的,雖然工作人員有說排隊分開,但在定點劃份上是不清楚的,好歹你指示牌都是印出來吧,手寫。

風林火山的看版にこまき。
大約十二時半左右,我就開始入場。入場時會剪走票的一角和打手印。入到場後,首先就去了排風林火山。每次同人場,風林火山的攤位都一定十分多人,當然今次不會例外。雖然未有新刊,但金屬匙扣我很喜歡,所以買了全Set,另外幫朋友買了T-Shirt;全Set匙扣的特典是第4話的天使にこ(換領卡太容易認了吧!),但要在動漫節或之後的時間憑卡換取。

mech-doll (.8.) 黑葉的聯名攤位。
之後各個攤位都看個一遍,亦買了不少精品和同人本,支持一下本地的畫師吧。在場地的最尾是主辦單位的攤位位置。而舞台背後就是擺放了三張主辦單位的等身大海報。

Cotton Heart,再次感謝拍照。
因為一早有點搞腸沙的關係,出了場內清一清然後再入場看看有沒有漏波買少東西。我再排隊是1點鐘,我排了1個半小時才再成功入去。問題來了,人流管制這一點我明白,消防條例注明指定大小的場地內人數限制,但場外有不少是則買了票在排隊入場的,但我是入過場的人,理應有一個位置可以讓人憑手印再入場吧,很簡單一個例子:CWHK有了吧。

你可以說,CW大過這一邊那些多~我可以說,大場有大場的控制方面,小場有小場方式。我相信,主辦單位應該沒想過這一點。

大約2點半左右的場內。
再逛了逛,跟場內的大神交收之後,我因為之後還有約,就跟場外的朋友一同離開了。如果以氣氛來說,尚算可以。聽回留到最後的朋友的說法,表演中更有驚喜,看來表演是值得給點掌聲的。另外亦在此對昨天出席的Cosplayer,說聲辛苦了。


以上就是我的收獲,部分是幫人買的。很多同人本都不錯,值得鼓勵。另外亦在昨天跟在場外的朋友得到綾坂老師的ほのえり本,一直有留意綾坂老師畫的LoveLive圖,這超有趣的!!!


我相信是事件起源之一 - 萌次元的紙板まき?
活動過後,跟大群朋友吃完飯回家,就上一上網然後睡覺。但我在Facebook的其中一個Group - LoveLive! 吹水區看到這一些行為Twitter都上了),不怕老實說,我個人是極度反感的。(想知道詳情的自己點入去慢慢看吧,不轉貼相片了)

C3HK 2014的時候,我已經說過一次,甚麼事是在甚麼場合應做應不能做,但吹水區的人士繼續重施故技,甚至可以說比C3HK時更有過之而無不及。

第一:我不知道是甚麼人拍照的,但拍照放出來的人,這人我亦肯定不是甚麼好人,因為他沒有去阻止這一班人去做這一種事情。第二:同樣地,在公眾場合中做出這一種行為,亦是毫無錯誤?甚至你在公眾場合對一個角色做出如此行為,卻不羞恥?入場的時候,我是見到有初中生,有家長的。

引用裡面一句:「佢地有無犯法?你係唔係法官?唔係的話你有咩權力判人哋錯」。沒錯,我不是法官,他們沒有犯法。再引用一句:「噁心係個人感覺,係唔係人人都覺得噁心?」。我不知道,個人感覺沒人可以控制。

但當一樣事情被公開,人們看到之後,不是一個小眾覺得這一樣事情是令人反感的話,那你覺得人們有沒有這樣的發言權?就算他們沒有一個審判你的權力,但各方的輿論,你就不應該自我反省一下自己的所作所為?

就如現今社會,若錯之事卻不出聲,倒不是令人憤怒?作為一個擁有正常心理,懂得自我檢點的人,我相信是不會這樣做。若然你覺得是沒問題的話,我引用我朋友的一句:「即是說,一班人在公眾場所格劍也沒問題!」,歡迎你做完之後傳相片給我,我第一句就讚你是勇者。

我,Alex,是一個徹徹底底的仆街。沒錯,是一個「仆街,我從來不覺得自己很正直,反則我還是會看著人去死的那一種。我相信絕對有不少人說我站在道德高地之上,指指點點。那我現在就說,如果你是吹水區的人,你更要看清楚。(以下需用港語及甚至需要到粗言穢語才能表達,敬請留意。若台灣的讀者看不明白,我絕對可以再翻譯。)

我成日都話,吹水區做出有幾白痴有幾ON9既行為,都唔關我事,佢做乜野我懶得理,亦唔想理,我理得你死。我對香港LoveLiver依個虛名睇得好化,我只係一個LoveLive既支持者,你有你ON9,我有我研究。但我同你地講,同你地講野,使乜用道德同你講,我覺得用「道德」依兩個字去同你班傻仔講道理,係侮辱左「道德」兩個字。就算我係道德高地撚又點,你自己反個角色,咪一樣都係道德高地撚。面係人地比既,架係自己丟既,依家你班傻仔唔係丟自己架咁簡單,係丟香港人架。係呀,係丟香港人架呀!香港LoveLiver?你真係咪講呀,你唔醜,我代你醜喳。

自己做過咩自己心知肚明,好既野人地會用個心去記住你,唔好既屌到你飛起都仲得!如果你覺得自己非常正直,好想做正義之師去平反一下既,歡迎你留言,我奉陪到底。

49 則留言:

  1. 可能佢哋玩得太過火,不過其實個紙板係一檔叫萌次元既檔自己整既,唔關主辦事

    回覆刪除
  2. 岩岩入左坑嘅LLer路過
    睇番之前C3或者今次既LLO....
    到底發生咩事?
    aikatsu/偶像大師...甚至3次元的idol粉都無佢地咁瘋癲
    我覺得ラブライブ!係有吸引人既魔力
    但未至於會令人喪失理性...
    佢地有d行為真係影衰哂香港
    作為當事人既你地唔覺有問題咩?

    回覆刪除
    回覆
    1. 我只可以答你,樹大有枯枝,區內多白痴。

      當一個人痴起上黎,情緒又高漲,周邊既人就會好容易比人影響而失去理性。連帶反應就一發不可收拾。有正義使者出手阻止,就會話你做乜野搞住人。

      >作為當事人既你地唔覺有問題咩?
      我唔知當事人覺唔覺得有問題,但以我所見,佢地唔係好覺得有問題。
      唔好話作為一個LoveLiver,我連覺得佢地作為一個正常人都好懷疑係唔係。

      刪除
  3. 比外國人笑你(指吹水區啲人)柒,但以為佢自己好撚型,on9當有趣。

    回覆刪除
    回覆
    1. 係日本,有唔少Comment係負面的,唔係傻的嗎,就気持ち悪い。當中亦有唔少兩觀意見,好好咁睇下人地講咩,好難咩?你唔識日文,我翻譯比你呢。要型要出位,唔係做依D ON9野,正正經經去宣傳,原來係好難既,係吹水區裡面。

      刪除
  4. 講真身為普通支持者順帶真姬推
    我覺得好反感....。
    話呢D叫做“愛“?真係愛你老母
    今次佢地咁樣的行為完全對角色不尊重.
    係其他國家認定左香港LLer就係咁樣
    唔好意思 我對自已會做LLer止步了

    回覆刪除
    回覆
    1. 同意
      跪拜果d,你當人地係女神咁拜我當你講得通
      但係拜就拜啦,玩埋d唔知咩花樣,人型蜈蚣咁款,真係除左on9都唔知講乜
      maki紙板又係,我唔知物主整到紙板有裙可拆係本身咩目的
      但係有得拆你就要拆?仲要係咁影相
      呢種係咪真係對角色的愛?
      我相信日本人/甚至係聲優們見到,唔會覺得係LLer的熱情,只會係變態

      佢地搞咁多野,想出名?見報?宣傳LL?
      我自己曾向朋友介紹LL,佢地聽到LL呢樣野都話「成班痴線佬」
      我真係睇唔透係宣傳定敗壞名聲

      刪除
    2. https://www.facebook.com/moejigen/posts/324243561058960?comment_id=324245387725444&offset=0&total_comments=5
      物主已為制作紙版因由作出回應

      刪除
    3. 跪依樣野,其實冇乜所謂,你狂熱D,又唔算係好大不了。不過男子膝下有黃金,做少D啦。
      個紙板其實有少少似早前日本某店(唔記得邊間)既Strike The Blood宣傳紙板。
      紙板物主萌次元亦已經作出回應,但亦可以睇到,萌次元冇看守好自己既紙板係有責任,活動參與者自己冇自覺做出失禮之事亦難以免責。

      刪除
    4. 姐係依塊MAKI展板非公有物,佢地就咁攞,算5算偷???

      刪除
    5. 好簡單一句:不問自取,是為賊也。

      刪除
  5. 其實我都係水區嘅一份子,不過我當然無揭起我老婆條裙(FF mode ON)當我返到屋企開電腦上水區睇到呢幅圖嘅時候 我都有少少着着地(燥)我承認我係有少少妄想症(即中二病),我會當二次元嘅人物係一個有生命嘅生命體(初音除外)佢地咁做,對我黎講真係好似非禮緊我老婆一樣……完全無諗過我老婆嘅感受,我真心覺得~過份咗少少囉!!
    我頂多都係土下座,土下座咪算囉 挽乜春野人形蜈蚣啫!噁心死鳥!

    回覆刪除
    回覆
    1. 其他如果你真心喜愛次文化呢一樣東西
      就應該當每一個角色係人一樣去對待

      刪除
    2. 二次元既角色,都係由三次元去創造出黎,拉遠少少亦可以話對創造佢地出黎既人有點侮辱成份。你可以話,咁畫工口本點計先,畫出黎比人prpr喎?人地畫工口本,都可以說係一種對作品既愛,只係愛既界線比較色情,而畫師冇好張揚咁講自己畫工口本,收既自己知自己收埋prpr,冇人干預到。

      正如愛既定位係冇限制的,你要將你既愛發揚光大係你既事,但請顧及周圍。我唔想有D心智未成熟既比人教壞哂。

      刪除
  6. 還是那句吧,的確他們在這件事上玩大了
    但其他人不停地一邊罵而又一邊分享圖片,到最後還要說他們丟香港人的面子。沒錯他們可能真的是丟了香港人的面子元兇,但分享圖片的人也是幫兇之一,希望你明白

    回覆刪除
    回覆
    1. 請追朔根源想想吧 若果他們不做這樣的事 連分享也做不到吧
      而且 分享的人 是要令更多人知道這件事 目的就是令他們知恥
      不然 就之前水區某一群小圈子 都說自己沒錯 錯的是其他人道德什麼什麼
      即便水區有人反應 都被用道德觀念太重 站在道德高地來看這件事而反駁
      撫心自問一下吧

      刪除
    2. 我當然明白,所以點解我會講「但拍照放出來的人,這人我亦肯定不是甚麼好人,因為他沒有去阻止這一班人去做這一種事情。」

      道德最終係落在有理據既一方,唔好同我講咩道德,我冇乜道德可言,我係要話比人知道,你自己去學識批判、自律,而唔係人云亦云,你自High比人推上報就係大大我威威我超強,最終出事自己賴野冇人救到你,污名萬來隨便你。。

      刪除
    3. 問題係,既然知道本身有問題,你地覺得講完婊完有用既你們喜歡吧,但請不要搞到"大家過來睇下,依班人點點點",

      既然事件發生了,在場影相無人阻止而放上網既已成定局的事就由他,但請不要再一邊擴大戰線,一邊又話佢地柒出香港,而自己又好似事不關己的在指點他人,為甚麼他們可以被人推上報柒出香港,分享者也是"應記一功"

      Btw,最後還是一句,雖然我對他們做的事不太贊成,但更過份令我看不過眼的是一邊說他們影衰香港LLer,但卻一邊分享至外國twitter既人,在我眼內,那些人比相中的人更為過份同無道德可言,你說對吧?
      Alex lo同 RT Asuberu。

      刪除
    4. 岩呀,家醜不得外傳。但事先聲名,我從來冇Retweet過任何有關依件事Tweet。我亦從來冇諗住擴大漫罵戰線,有D野我覺得未必需要講到埋嘴邊先。我已經好比面吹水區裡面既人,我寫依篇感想既目的,係分享番自己係今次活動中既所見所聞,同自己分析。

      你睇唔睇、接唔接受係讀者你既事,唔係我既事,我冇權去改變你,改變要由自己覺悟出黎先深刻明白。

      刪除
    5. 我想你應該明白一件事放上網絡上想阻止擴散根本不可能 很多人更是慣性share
      歸根究底只要懂自重不要做不應該做的事就不會被人抓到把柄 不要想推卸責任轉向槍頭了

      刪除
    6. 用匿名 係廢事你對人唔對事 所以你點名 我就出來好了~
      不過遺憾既係 我從來沒有分享出去 因為我唔想整到我個推特有D咁[有愛]既野
      而你既講法就係 你強姦左人 有人影左你相 之後上傳去社交網 有人分享出去 有人見到再報警
      呢個過程中個個都應該被視為有罪? 你都幾有趣
      事實點解唔講得 唔好同我講道德 我咁都有道德既話 真正既道德人仕一定喊到收唔到聲
      點解? 因為你地做D咁既野 我都未正正式式婊你地 因為我知道你地一定又會話咩冇權OOXX咁
      所以 講來都白費 我欣賞你會話佢地係有問題 但係你只係知道理虧 唔多唔少要話班人有錯
      繼而就將個罪名推去分享既人到 我再重申我冇分享過去外國推特~
      由你咁大反應...先唔講你係頭還尾定中間 或者係食花生
      你其實 係唔覺得佢地有咩問題 係唔係呀 陳生?

      刪除
    7. 網絡世界之大,你好難令一樣事情係你預期之下去推出去,無差別擴大就係網絡世界既恐怖之處。我鄭重地係到講一次:我唔係要一竹槓打沉一船人,自己做過咩自己知,自己反省一下。

      刪除
    8. 首先,還是請叫回我做Sage好了,要RT前輩這樣叫我,我還很不好意思。指名既原意,是因為這邊是alex大既主場,既然是alex大的主場,不問和alex大,同是巨巨級的RT大的你也好像有失禮儀,如果在文字上有任何誤會,還請兩位大大海涵。

      說回正題,我某程度和兩位的目標相同,是希望同類事件不想再發生,唯一不同的是我只希望這些"家醜""不想外傳"才有這樣大的反應,至於有關tweet的問題,可能是我文章寫得不太好,導致RT大在回覆時以為是指你們兩位,我在此心感抱歉。

      至於我有關蜈蚣立場還是打從一開始所說的,無感覺,不是指他們沒有問題,而是就文字上的解釋相同。

      最後我不是要把罪名推到分享者身上,相片內他們本身因為今次行為而引起的風波是原罪,但引起至這樣大規模的回響,分享者也是不是應該分返少部分責任?

      最後,請不要說"你地",就這件事而言我只是就因"火災面積太大而不得不發聲",個人而言只想息事寧人,就事件而言我唯一需要負責的是我看到而不加阻止,有關這點先同各位道歉

      最後可能我打字1999,如有任何誤會還請多包涵

      刪除
    9. 我相信咁7既事 冇人想俾外國知
      可惜有人唔係咁諗 當然 佢地可能係冇惡意 只係想開心SHARE
      推特問題 就唔講啦 真又好假又好 當係誤會啦好嗎
      息事寧人 大家都想 但係點解仲會係另一邊繼續講
      因為 有D野 唔講清講楚 之後只會接踵而來
      有人成日話 唔係代表呀之類 外國既人會唔會幫你一個一個點相先
      係唔會架嘛 只會一竹槓打沉一船人....
      最後 分享者有冇責任 我唔敢講
      但係我覺得你個重點應該要集中係搞事既人而唔係分享既人
      都係個句 冇搞事個個 又點會有人分享到...
      分享出去 可能只係想等多D人評論呢件事呢
      你見到但唔出聲 我認真唔會怪任何人
      人咁多咁癲 相信係冇人阻到
      我上面可能語氣重左 我道歉先 SORRY
      但係我唔認為你所講既幫兇會係過份個主謀

      刪除
    10. 唔好用個「大」字叫我,我受唔起。我只係一個好平凡既Blogger黎啫。有咩野大家一齊討論既啫。我基本要講既野同Sage你講既一樣。事就過左去,當事人也好,拍攝者也好,旁觀者也好,自己諗清楚先啦。凡事停一停,諗一諗,唔係好難既。

      刪除
    11. 學壓力咁講 我地受唔起咩大大巨巨 只係一個普通既LoveLiver

      刪除
  7. 有時唔少LLer話香港好少日方搞既Event 甚至好少派cv到hk(相比其他地區)
    但有冇去想��清楚次次搞單咁既野 可以咁講�香港已經成為嘔心既代名(tw ��噗浪 均有好多人表示反感) 到底佢地何時明白 佢地要負既 唔止係自己既責任 是HKLLer 甚至係香港㳄文化愛好者既責任 希望同類既唔好再發生(雖然阿姆羅永遠冇得休息)就算有都請大家制止

    回覆刪除
    回覆
    1. 請問blog主能否借share上fb

      刪除
    2. 隨便,我寫得出就唔係為左收收埋埋。

      刪除
  8. 你話拉下裙,我都仲覺得正常,係下流左d,
    不過人形蜈公,真係攪乜撚... 衰過prprpr,
    點解當場無人叫人即時del相ga

    回覆刪除
    回覆
    1. 拉下裙都唔好囉,你會唔會當街拉女仔裙呀?同一道理喳嗎。

      人形蜈蚣,你玩就收埋玩,我理得你死。比人影哂出黎,有傷大雅之餘,亦唔見得你既愛好好睇。

      冇人即場Del相,一係唔想出聲,以免被轟。一係自己都High過頭。冇起哄既人,我相信唔會發生D咁既場面。

      刪除
  9. 佢地成日到諗住我點愛係我嘅事,關你咩事??
    而好似唔知到佢地係帶住“香港loveliver”呢個名
    其實佢地係公眾場所做嘅每件事唔係影響梗佢自己,已係影響梗香港loveliver

    回覆刪除
    回覆
    1. 的確唔關我事,但佢地影響到公眾就關我事。唔好話LoveLiver,依家係令海外既人,只要睇到你既所作所為,十居其九都會話:做乜野?影響到已經唔係香港LoveLive既形象,而係ACG界中一個Fans既形象,可以講趺到零啦。

      刪除
  10. 好同意樓主既講法..我作為一個Maki推..其實見到咁樣好難受

    回覆刪除
    回覆
    1. 我唔係真姬推我都好難受,何必要令人如此反感呢?

      刪除
  11. 先表明一下身份,我是相中maki展板右手邊的那個人。
    以下先聲明下述之事只是本人意見,跟萌次元方立場毫無關係。
    其實當時那群人說是用maki板借來拍照用之類,
    所以當時本人並沒有特別阻止,
    而突然出現人形蜈蚣之事,
    本人確實地有後悔直接借出作拍照用,
    所以只能在此深深的說句抱歉。

    回覆刪除
    回覆
    1. 我相信冇咩人會估到佢地突然玩蜈蚣....

      刪除
    2. 先多謝你的留言,亦明白此事的嚴重性。希望貴方能了解到這一個已經並非只關係到一個小群體的問題。

      刪除
    3. 沒盡力阻止確實是本人的漏洞,
      而且如有下次的話本人會用盡身上所有武器去阻止的了,
      除非管理權是在他人身上。

      刪除
    4. 很多謝你的見義勇為,亦希望其他人能知道這事,但不要再傳Link和圖片了。

      刪除
    5. 因為最後帶走他的人是我,
      還害我要把頭髮接回去…
      真心靠害。

      刪除
  12. 傳說真姬紙板的裙內是小褲褲不是原本的校服裙...
    小朋友因此有性衝動也不難理解...

    回覆刪除
    回覆
    1. 先不論是不是小褲褲,但一個小朋友看到此行為,就有機會學壞。小朋友批判能力弱,就有機會有樣學樣。到時造成一個會做出猥瑣行為的小色狼,你又擔當得起嗎?

      刪除
  13. 我係廣州人,同時有參與本次活動.有人post蜈蚣圖上百度貼吧,醜聞已經傳到周圍都係,希望大家以後可以做啲對得住Loveliver呢個稱號的嘢,唔好再做呢D低俗行為.

    回覆刪除
    回覆
    1. 我亦希望此事可以令他們汲取到教訓,學懂自律。多謝廣州的朋友留言。

      刪除
  14. 確實,我十二點前後來到都要在2M樓打蛇餅,一個小時之後先入到場。天那,就算有手印我都唔敢走出場館,驚入唔返去!入場方面真係要改善!幸好,場館的節目也精彩得目不暇給!
    至於真姬大人的紙板,老實說,我只伴着她很「正經」的合照就算了(相片?唔係真係要po出來呀?!咪玩啦!)。之後看回有關紙板的風波事件,礙於係局外人,我無權指責,但學電影對白話齋:「自己做過乜嘢,心照啦!」真係唔想令香港LLer蒙上不白之冤!
    (利申:我係吹水區基層成員,但反對有影衰香港LLer的行為!)

    回覆刪除
    回覆
    1. 奉勸你一句:吹水區D野,有時候唔好太認真,笑下就算。佢地有好多人已經分唔出甚麼會「正常」同「正確」。

      刪除